Qala kúni otbasylyq demalys saıabaǵy tanystyryldy, dep jazady Egemen.kz.
Almaty qalasynyń ákimi Baqytjan Saǵyntaev jobamen tanysty. Naýryzbaı aýdany ákimdiginiń janyndaǵy 4,56 ga aýmaqta eski saıabaqtyń ornyna jańa saıabaq salynady.
«Munda tek aýdannyń ǵana emes, búkil qala turǵyndary otbasymen jáne dostarymen ýaqyt ótkizýge, jańa attraksıondarǵa minýge, alleıalarda serýendeýge jáne taza aýada tamaqtanýǵa keletin bolady. Saıabaqta 44 attraksıon men 4 fýdkort bolady», dep jazady qala ákiminiń baspasóz qyzmeti.
Habarlamaǵa súıensek, balalar batýtta sekire alady, vırtýaldy shyndyq álemine enedi, úshinshi qıyndyq deńgeıindegi arqan jolynan ótedi, labırıntten shyǵýdyń jolyn tabady, óziniń Lego úıin salady jáne, árıne, týǵan kúnin toılaı alady.
Saıabaqtyń biregeı tujyrymdamasynyń nátıjesinde onyń barlyq qonaqtary jasyna qaramastan kóńil kótere alady.
«Alem Park — bul jaı ǵana saıabaq emes, túrli-tústi shabyndyqtary, sáýlettik qurylymdary, arqan saıabaǵy, alpınıstik qabyrǵa, jaıly kafeler men basqa da kóptegen oıyn-saýyqtary bar tutas qala», dep jazylǵan habarlamada.
Aıta keterligi, saıabaqqa 500-ge jýyq aǵash otyrǵyzylady. Osy jobany júzege asyrýdyń arqasynda Almatyda jańa úlken demalys jáne oıyn-saýyq saıabaǵy paıda bolady, ol turǵyndardyń jınalatyn ornyna aınalady, almatylyqtardyń jaıly turýy men demalysyn qamtamasyz etedi.