Túrkistan oblysynyń órt sóndirýshileri 3,5 tonna benzın quıylǵan sısterna jarylysynyń aldyn aldy. Bul týraly TJM baspasóz qyzmeti habarlady, dep jazady Egemen.kz.
Búgin saǵat 12.45-te Túrkistan oblysy TJD jedel kezekshi bólimine Saıram aýdany Aqsýkent aýylynda «Aqsýkent-Qarabulaq» joly boıyndaǵy bir vagonnyń janǵany týraly habarlama tústi.
Oqıǵa ornyna tez arada Túrkistan oblysy TJD kúshteri men quraldary №3 joǵarǵy rangpen jiberildi.
О́rt sóndirý bólimsheleri oqıǵa ornyna kelgen boıda «QazTransoıl» munaı bazasynda sısternalardy toltyrý kezinde sısternalardyń birindegi benzın janǵan. Sısternadaǵy benzınniń aldyn ala kólemi 3,5 tonna (quramynda sany 20 sısterna).
«Túrkistan oblysynyń órt sóndirýshileri vagonda shyqqan órtti saǵat 14.04-te sóndirdi. Onda 3,5 tonna quıylǵan benzın bar bolatyn. О́rtti sóndirýge Túrkistan oblysy jáne Shymkent qalasy TJD 47 qyzmetkeri men 10 tehnıkasy, órt sóndirý poıyzy jumyldyryldy», delingen habarlamada.
Jedel járdem aqparaty boıynsha munaı bazasynyń 2000 jyly týǵan bir qyzmetkerin kúıik shalyp, dárigerlerdiń kómegine júgingen.