Stepnogor qalasynda er adam tamaqqa shashalyp qaldy. Jedel járdem bolmaǵandyqtan, kýágerler óz kóligimen aýrýhanaǵa jetkizýge tyrysqan. Alaıda er adam jolda kóz jumdy, dep habarlaıdy Egemen.kz.
«Er adam asqa shashalyp qalǵan, aýrýhýnaǵa barar jolda qaıtys boldy. Jedel járdem emes, kýágerdiń jeke kóliginde kóz jumdy. О́ıtkeni 15 mınýt boıy jedel járdem qyzmetine habarlasý múmkin bolmady. Dámhana qyzmetkerleri de, kelýshiler de qońyraý shaldy. Biraq nátıje bolmady», dep jazdy @step_notsleep jergilikti paraqshasy.
Keıin telefon kótergen dıspetcher qalada jedel járdem qyzmetinde tek bir ǵana telefon jelisi bar ekenin aıtty.
Aqmola oblysy densaýlyq saqtaý basqarmasy bul oqıǵaǵa qatysty qyzmettik tekseris bastalǵanyn habarlady.
«Saǵat 19:58-de 102 nómirinen qońyraý shalyp, dámhanadaǵylar jedel járdemge habarlasa almaı jatqanyn aıtty. Dıspetcher qońyraýdy tirkedi. О́ıtkeni 20:00-de aýrýhanadan habarlasyp er adamnyń denesi jetkizilgenin habarlady», delingen aqparatta.