Shyǵys Qazaqstan oblysynda karantındik shekteýler 4 qazanǵa deıin uzartyldy, dep habarlaıdy Egemen.kz.
ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 4 qazanǵa deıin uzartyldy.
Shekteý sharalarynyń merzimi oblys aýmaǵynda COVID-19 ınfeksııasynyń taralýy boıynsha ahýaldyń ózgerýine sáıkes qaıta qaralýy múmkin.
Búginde COVID-19 juqtyrǵan naýqastardy emdeýge arnalǵan ınfeksııalyq stasıonarlardaǵy tósek qorynyń toltyrylý deńgeıi – 17,3%. Oblys boıynsha ınfeksııanyń reprodýktıvtik R sany – 0,844.
Osy rette, ShQO Sanıtarlyq-epıdemıologııalyq baqylaý departamenti halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylaryndaǵy barlyq shekteýlerdi saqtaýǵa shaqyrady.