Ulttyq statıstıka bıýrosynyń málimeti boıynsha osy jyldyń tamyz aıynda elektr energııasynyń tarıfteri elektr plıtalary qoldanylǵan jaǵdaıda 100 kVt/saǵ úshin 1,5 myń teńge jáne elektr plıtalary qoldanylmaǵan jaǵdaıda 1,4 myń teńgeni qurady, dep habarlaıdy Egemen.kz.
2020 jyldyń tamyzymen salystyrǵanda baǵa ortasha eseppen 24%-ǵa ósken. Bul rette osy jyldyń basynan beri ósim 19%-dan asty.
II deńgeıdegi tutynýshylar úshin tarıf aıtarlyqtaı qymbattaǵan joq – jyl basynan beri 17,5-18,4%-ǵa, 100 kVt/saǵ úshin 1,8 myń teńgege deıin. Jyldyq ósim shamamen 21%-dy qurady.
III deńgeıde ósim joǵary boldy: jyl basynan beri – 18,2-19,2%-ǵa, 100 kVt/saǵ úshin 2,3 myń teńgege deıin. Jyldyq ósim – 21,3-22,4%.
Sonymen qatar, óńirler arasynda eń arzan tarıf tamyz aıynda Aqtóbe men Atyraýda baıqaldy – I deńgeıde 1 myń teńgeden az.
Eń joǵary tarıfter Almaty men Aqtaýda tirkeldi – 100 kVt/saǵ úshin 1,7 myń teńgeden astam. Nur-Sultanda elektr qýaty 100 kVt/saǵ úshin 1,1-1,2 myń teńge turady. Shymkentte – 100 kVt/saǵ quny shamamen 1,5 myń teńge.
Qazaqstanda 2021 jyldyń sońyna deıin elektr energııasy baǵasynyń ósýi boljanyp otyr.
Ákimdik belgilegen elektr energııasyn tutyný deńgeıine baılanysty tarıfter esepteledi. Mysaly, Almatyda tutynýdyń I deńgeıi – bir turǵynǵa 90 kVts-qa deıin, tutynýdyń II deńgeıi – 90 kVts-tan 160 kVts-qa deıin, III deńgeıi – 160 kVts-ta joǵary.