Ziltemirshi, aýyr atletıkadan «Rıo» Olımpıadasynyń kúmis júldegeri Jazıra Japparqul Shymkent qalasy aýyr atletıka federasııasynyń vıse-prezıdenti qyzmetine taǵaıyndaldy. Kýálikti Aýyr atletıka federasııasynyń vıse-prezıdenti, Shymkent qalasy boıynsha fılıal prezıdenti Murat Joldyhojaev saltanatty túrde tabystady, dep habarlaıdy Egemen.kz.
Taǵaıyndaý barysynda sóz sóılegen Murat Joldyhojaev Jazıra Japparquldyń sporttaǵy jetistikteri men tájirıbesi óńirdegi aýyr atletıkany damytýǵa serpin beretinin atap ótti. Onyń aıtýynsha, Olımpıada júldegeriniń federasııa jumysyna aralasýy jas sportshylarǵa motıvasııa berip, kásibı sporttyń jańa deńgeıge kóterilýine yqpal etedi.
О́z kezeginde Jazıra Japparqul senim bildirgeni úshin alǵys aıtyp, óńirdegi aýyr atletıkany damytýǵa bar kúsh-jigerin salatynyn jetkizdi. Ol jasóspirimder sportyna erekshe kóńil bólip, jattyqtyrýshylar quramymen birlesip júıeli jumys júrgizý qajettigin atap ótti.
Serik Sápıev mınıstrdiń shtattan tys keńesshisi bolyp taǵaıyndaldy
Aıta keteıik, Jazıra Japparqul – halyqaralyq arenada el namysyn abyroımen qorǵaǵan tájirıbeli sportshy. Onyń sporttyq joly men jetistikteri jas býynǵa úlgi bolary sózsiz.
Mamandardyń pikirinshe, mundaı kadrlyq sheshimder aımaqtaǵy aýyr atletıkanyń damýyna jańa serpin berip, sportshylardyń halyqaralyq jarystardaǵy nátıjelerin arttyrýǵa múmkindik jasaıdy.