Kólik mınıstrligi 4 naýryz kúni Taıaý Shyǵys elderinen Qazaqstan azamattary mingen ushaqtar el áýejaılaryna kelip qonǵanyn habarlady, dep jazady Egemen.kz.
Air Astana kompanııasy Medına men Jıdda qalalarynan birneshe reıs jasaǵan:
KC2202 reısi Aqtaý qalasyna saǵat 21:28-de qondy. Bortta 142 adam bolǵan; KC2208 Medına – Atyraý baǵyty boıynsha ushaq saǵat 01:19-da qonǵan. Ushaqta 145 adam bolǵan; KC2206 Jıdda – Atyraý baǵyty boıynsha áýe kemesi saǵat 02:50-de qonǵan. Bul áýe kemesimen 174 adam elge jetken. KC2204 Jıdda – Atyraý baǵyty boıynsha saǵat ushaq 03:34-te qonǵan. Atalǵan baǵyt boıynsha 179 adam elge oralǵan.Dýbaı qalasynan 306 jolaýshy elge oraldy
Sonymen qatar SCAT áýe kompanııasy Boeing 767 áýe kemesimen Almaty – Maskat – Almaty baǵyty boıynsha reısti jasap jatyr. Ushaqta shamamen 290 oryn bar.
Búginge deıin elimizge Taıaý Shyǵys elderinen 946 jolaýshy qaıtarylǵan.
Dýbaıdan Oman arqyly 467 otandasymyz elge jetkiziledi
Mınıstrlik Qazaqstan azamattaryn elge qaıtarý jumystary jalǵasatynyn málimdedi.