Sınoptıkterdiń boljamyna sáıkes, 4 aqpanda Qazaqstannyń birqatar óńirinde qar jaýyp, boran soǵyp jáne kóktaıǵaq bolady. Keı aımaqtarda tuman túsip, jeldiń ekpini 15-20 metr/sekýndqa deıin kúsheıedi, dep habarlaıdy Egemen.kz.
Astana qalasynda kóshpeli bultty, jaýyn-shashynsyz. Ońtústik-shyǵystan soǵatyn jeldiń ekpini túnde 3-8, kúndiz 9-14 metr/sekýndqa deıin jetedi. Aýa temperatýrasy túnde 19-21 gradýs aıaz, kúndiz 3-5 gradýs aıaz.
Almatyda túnde jáne tańerteń qar aralas jańbyr jaýady, sondaı-aq tuman túsip, joldarda kóktaıǵaq kútiledi. Aýa temperatýrasy túnde 1 gradýs, kúndiz 6-8 gradýs jyly.
Shymkentte jaýyn-shashynsyz. Ońtústik-shyǵystantan soǵatyn jeldiń ekpinin 8-13 metr/sekýndqa deıin jetedi. Túnde 2-4 gradýs aıaz, kúndiz 15-17 gradýs jyly.
Aqmola oblysynyń batysynda azdap qar jaýady, soltústigi men shyǵysynda tuman bolady. Jeldiń ekpini kúndiz 15-20 metr/sekýndqa deıin jetedi. Túnde 12-17 gradýs aıaz, kúndiz 2-7 gradýs aıaz.
Kókshetaýda jaýyn-shashynsyz, túnde aýa 19-21 gradýs, kúndiz 4-6 gradýs aıaz.
Soltústik Qazaqstan oblysynyń batysynda kúndiz qar jaýyp, boran soǵady. Túnde 18-23 gradýs aıaz, kúndiz 4-9 gradýs aıaz.
Petropavlda jaýyn-shashynsyz, túnde 18-20, kúndiz 7-9 gradýs aıaz.
Qostanaı oblysynda qar, boran, kóktaıǵaq kútiledi. Túnde 10-15 gradýs aıaz, kúndiz 0-5 gradýs aıaz.
Boljamdar naqtylana túspek: «Qazgıdromet» sýperkompıýterdi paıdalana bastady
Pavlodar oblysynda túnde 18-23, keı jerlerde 27 gradýs aıaz kútiledi.
Qaraǵandy oblysynyń keı bóliginde tuman túsip, burqasyn bolady. Túnde 11-16 gradýs aıaz, kúndiz 2-7 gradýs aıaz.
Ulytaý oblysynda jaýyn-shashynsyz, tuman túsedi. Al Jezqazǵanda túnde 5-7 gradýs aıaz bolady.
Shyǵys Qazaqstan oblysynda qar, boran kútiledi. О́skemende qar jaýady, kúndiz 8-10 gradýs aıaz bolady.
Abaı oblysynda qar men boran soǵady. Al Semeıde túnde 16-18 gradýs, kúndiz 11-13 gradýs aıaz kútiledi.
Batys Qazaqstan oblysynda qar, boran, kóktaıǵaq bolady. Aýa temperatýrasy 15-20 gradýs aıaz. Oralda túnde qar jaýyp, boran soǵady.
Atyraý oblysynda aýa temperatýra 3-8 gradýs aıaz, soltústiginde 12-17 gradýs aıaz kútiledi.
Mańǵystaý oblysynda jaýyn-shashyn (jańbyr, qar), boran, kóktaıǵaq kútiledi. Al Aqtaýda kúndiz boran soǵady.
Almaty oblysynyń taýly aımaqtarynda qatty jaýyn-shashyn bolýy múmkin. Qonaevda túnde jaýyn-shashyn bolyp, tuman túsedi. Al Taldyqorǵanda túnde 1-3 gradýs aıaz bolady.
Túrkistan oblysynyń taýly aımaqtarynda jaýyn-shashyn kútiledi. Kúndiz 14-16 gradýs jyly.
Qyzylorda oblysynyń batysynda jańbyr men qar jaýady. Kúndiz 7-9 gradýs jyly.
Jambyl oblysynyń shyǵysynda jáne taýly óńirlerinde jaýyn-shashyn, kóktaıǵaq bolady. Al Tarazda kúndiz 13-15 gradýs jyly bolady.
Sınoptıkter boran, tuman jáne kóktaıǵaq kezinde jolda saq bolýǵa shaqyrady. Ásirese batys, soltústik jáne shyǵys óńirlerde aýa raıy qubylmaly bolmaq.
Naýryz aıynda aýa raıy qandaı bolady?