Dombyrashylar odaǵy óz jumysyn bastady

Eske salsaq, «Dombyra­shy­lar odaǵy» respýblıkalyq qoǵamdyq birlestigi 10 tamyzda quryldy. Qoǵamdyq bir­lestiktiń negizgi maqsaty  ulttyq ónerdi keńinen dá­riptep, jastardyń dástúrli ónerge qyzyǵýshylyǵyn oıatyp, ulttyq qundylyǵymyzdy damytý jolynda eńbek etý bolyp otyr. Al birlestiktiń sharty boıynsha múshelikke tek dástúrli ánshiler, jyrshylar men termeshiler qa­byldanady. Dombyrashylar odaǵy halqymyzdyń dástúrli án ónerin, kúı ónerin jandandyrý, jas býyn ókilderiniń shyǵarmashylyǵyn qoldaý úshin qurylǵan. Osy maq­satta túrli baıqaýlar, baǵ­dar­lamalar men kon­sert­ter, ekspedısııalar uıym­dastyrylady.

Odaqtyń ashylý rásiminde Almaty qalasynyń óner ókil­­derine «Dombyrashylar odaǵy» res­pýb­lıkalyq qo­ǵam­­dyq bir­les­tiginiń kýá­lik­­teri men sertı­fıkat­ta­ry tabystaldy. Jı­yn­ǵa Ra­­mazan Stamǵazıev, Sáý­le Janpeıisova, Nur­jan Jan­­­peıisov, Uljan Baı­­bo­­sy­­nova, Gúlmıra Náli­baı jáne «Dombyra» Ult­tyq tele­­­arnasynyń basshysy Qanat Erjigitov qaty­syp, sóz sóıledi. Olar bir­les­tik­­­tiń maqsatyn, jasaıtyn ju­­­­­mystaryn, qa­zirgi tań­da dástúrli ónerge qa­tys­ty má­­selelerdiń she­shi­min qa­ras­­tyrý joldaryn tal­qy­la­dy. Sonymen qatar «Do­m­byra» Ulttyq telear­na­­synyń tikeleı jerseriktik habar taratatyn OTAU TV qyzmetine qosý, ulttyq ónerdi shalǵaı mekendegi halyqqa da kórsetý máselesi qozǵaldy.