Májilis pen Senat Bıýrosy óz otyrystarynda Igor Mýsalımovtyń TMD parlamentaralyq Assambleıasyndaǵy Qazaqstan Parlamentiniń ókiletti ókili laýazymyna kandıdatýrasyn bekitti, dep habarlaıdy Egemen.kz Májilistiń baspasóz qyzmetine silteme jasap.
Igor Mýsalımov dıplomatııalyq jumysta úlken tájirıbege ıe, Qazaqstannyń Belarýs, Lıtva, Chehııa, Grýzııa, Moldovadaǵy dıplomatııalyq ókildikterinde jumys istedi. 2019 jylǵy maýsymnan bastap QR SIM Ádep jónindegi ýákili qyzmetin atqarǵan.
TMD Parlamentaralyq Assambleıasynyń quramyna kiretin árbir parlament TMD PAA Keńesiniń Hatshylyǵyna turaqty negizde jumys isteıtin óziniń ókiletti ókilin jiberedi.