«Astananyń» bas menedjeri Aleksandr Vınokýrov Qazaqstannyń jasóspirimder quramasynyń bazasy bolatyn jańa komanda qurǵanyn habarlady, dep jazady Egemen.kz.
«Bizdiń qurlyqtyq Vino-Astana Motors komandasynyń tájirıbesin qoldana otyryp, Soltústik Qazaqstan oblysy basshylyǵynyń qoldaýymen biz Vino Junior Team men Iuvenis Cycling Academy/RuleCycling-Movijerez veloakademııalarynyń negizinde Hýan Karlos Molınamen birlesken qazaq-ıspan jasóspirimder komandasyn quratyn boldyq», dep jazdy Vınokýrov Instagramdaǵy paraqshasynda.
Jańa komanda Ispanııanyń Andalýsııa aımaǵynda, Heres-de-la-Frontera qalasynda ornalasyp, 17-18 jastaǵy jasóspirimder tájirıbe jınaýy úshin Ispanııa men Eýropa elderindegi ár túrli halyqaralyq jarystarǵa qatysady dep josparlanýda.
«Osylaısha bárimiz birigip, qazaqstandyq velosportty damytý úshin taǵy bir qadam jasamaqpyz», dep qorytyndylady Vınokýrov.