Ár ata-anany sábıdiń ińgálap ómir esigin ashýy úlken qýanyshqa bóleıdi. Al otbasyna úshem kelse she? Árıne, ár sábıdiń óz nesibesi bolaryna úmit arta qaraıtyn qazaq otbasy úshin úshemniń jóni tipten alabóten. Atyraý oblystyq perzenthanasynda bir aptada eki úshem jaryq dúnıe esigin ińgálaı ashyp, eki otbasyn máre-sáre qýanyshqa keneltti.
Ár ata-anany sábıdiń ińgálap ómir esigin ashýy úlken qýanyshqa bóleıdi. Al otbasyna úshem kelse she? Árıne, ár sábıdiń óz nesibesi bolaryna úmit arta qaraıtyn qazaq otbasy úshin úshemniń jóni tipten alabóten. Atyraý oblystyq perzenthanasynda bir aptada eki úshem jaryq dúnıe esigin ińgálaı ashyp, eki otbasyn máre-sáre qýanyshqa keneltti.
Atalǵan perzenthanada alǵashqy úshem 8 qańtarda ómirge kelgen. Árqaısysynyń salmaǵy 2600, 2400 jáne 1900 gramdy quraǵan úshemge ata-anasy Aman, Esen, Júrsin degen esimderdi tańdapty. Olardyń anasy Aınur Jumashevanyń sózine qaraǵanda, buǵan deıin bul otbasynda quldyrańdap shaýyp júrgen úsh uldyń qatary bir kúnde altaýǵa jetipti. Otbasynyń úlken uly 2-synypta oqıdy. Alaıda, bir kúnde 6 uldy atanǵan otbasyna jergilikti bıliktiń qoldaýy qajettigi seziledi.
Taǵy bir úshemge jaryq ómir syılaǵan ana – Irına Safıeva. Perzenthana dárigerleriniń pikirinshe, Mılana, Radmıla, Temirlan esimderi berilgen úshemderdiń ishinde uldyń salmaǵy 1600 gramm, al eki qyzdyń salmaǵy 1900 gramm bolǵan. Irınanyń otbasynda jıyrma jyl buryn týǵan bir qyz bar eken. Bul otbasy da endi kópbalalylar qataryna qosyldy.
Joldasbek ShО́PEǴUL,
«Egemen Qazaqstan».
Atyraý oblysy