QR Syrtqy ister mınıstriniń birinshi orynbasary Shahrat Nuryshev Birikken Arab Ámirlikteriniń Qazaqstandaǵy jańadan taǵaıyndalǵan Elshisi Muhammed ál-Arıkıny qabyldap, Elshi senim gramotalarynyń kóshirmelerin tabys etti, dep jazady Egemen.kz.
Kezdesý barysynda Sh.Nuryshev shetel dıplomatyn taǵaıyndalýymen quttyqtap, onyń aldaǵy jumysy Qazaqstan men Ámirlikter arasyndaǵy baılanystyń odan ári damýyna septigin tıgizetinine senim bildirdi.
Sonymen qatar eki memleket arasyndaǵy saıası dıalog, saýda-ekonomıkalyq jáne mádenı-gýmanıtarlyq yntymaqtastyqtyń damýy atap ótildi. Ekijaqty saýda-ekonomıkalyq jáne ınvestısııalyq yntymaqtastyqty odan ári tereńdetýdiń mańyzdylyǵyna erekshe nazar aýdaryldy.
Taraptar jahandyq jáne óńirlik kún tártibiniń barlyq negizgi máselesi boıynsha Nur-Sultan men Abý-Dabı ustanymdarynyń jaqyndyǵyn nemese sáıkestigin, kópjaqty alańdaǵy, sonyń ishinde BUU, IYU, AО́SShK jáne t.b. uıymdardaǵy tıimdi ózara is-qımyldy atap ótti.