Ulybrıtanııa Premer-Mınıstri Borıs Djonson men AQSh Prezıdenti Djo Baıden kezdesip, Aýǵanstandaǵy birlesken mıssııanyń nátıjesin talqylady, dep jazady Egemen.kz.
Baıden men Djonson Aýǵanstandaǵy daǵdarystyń aldyn alý úshin barlyq gýmanıtarlyq jáne dıplomatııalyq quraldy qoldaný kerek ekenin aıtty.
«Premer-Mınıstr men Prezıdent Baıden Aýǵanstandaǵy jaǵdaıdy jaqsartý úshin ómirin qurban etkenderdi eske alýdyń eń jaqsy joly - gýmanıtarlyq daǵdarysty boldyrmaý jáne Aýǵanstandaǵy jetistikti saqtap qalý úshin qolda bar barlyq dıplomatııalyq jáne gýmanıtarlyq quraldy qoldaný ekenine kelisti», dep habarlaıdy Ulybrıtanııa úkimetiniń saıty.
Taraptardyń pikirinshe, «Talıban» lańkestik tobyn taný «táliperdiń adam quqyqtaryn qurmetteýine baılanysty» úılestirilýi kerek.