Qazaqstan armııasynda QR Prezıdenti – Qarýly Kúshterdiń Joǵarǵy Bas Qolbasshysynyń tapsyrmasy boıynsha júrgiziletin tekserý sheńberinde Kaspıı teńizi akvatorııasynda Áskerı-teńiz kúshteriniń korabldik toby áskerı qaýipsizdikti qamtamasyz etý jónindegi is-sharalardy oryndady, dep habarlaıdy Egemen.kz QR Qorǵanys mınıstrliginiń baspasóz qyzmetine silteme jasap.
Praktıkalyq is-qımyldarǵa «Qazaqstan», «Oral», «Saryarqa», «Mańǵystaý» zymyran-artıllerııalyq kemeleri, «Alataý» mına-traldyq kemesi, «Jaıyq» gıdrografııalyq kemesi, jyldam júretin qaıyqtar men katerlerdegi jaýyngerlik júzýshiler jasaǵy tartyldy. Manevrlerge barlyǵy 600-ge jýyq teńizshi, onyń ishinde merzimdi qyzmettegi áskerı qyzmetshiler qatysady.
Arnaıy áskerı operasııa barysynda Kaspıı teńiziniń qazaqstandyq sektorynda teńiz ekonomıkalyq qyzmet obektilerin kúzetý jáne qorǵaý uıymdastyryldy, jaǵalaýdaǵy qurlyq áskerleriniń is-qımyldaryn qoldaý qamtamasyz etildi. Plasdarmdy basyp alý jáne ony otpen jabý úshin atý úshin taktıkalyq teńiz desanty qondy. Avıasııamen, zymyran áskerleri jáne artıllerııa bólimshelerimen ózara is-qımylda teńiz jaǵalaýynyń desantqa qarsy qorǵanysyn uıymdastyrý jónindegi mindetter pysyqtaldy.