Jańa oqý jylynda Túrkistan oblysyndaǵy 38 muǵalim men 148 oqýshydan koronavırýs anyqtaldy, dep habarlaıdy Egemen.kz.
Sanıtarııalyq-epıdemıologııalyq baqylaý komıtetiniń málimetinshe, vırýs juqtyrǵan 71 oqýshy oflaın formatta oqyǵan, al qalǵan 77-si oqý jyly bastalmaı naýqastanǵan.
Qazir naýqastarmen baılanysta bolǵan 2176 oqýshy 14 kúndik karantınge jiberilgen. Búginde oblystyń 934 bilim berý mekemesi Ashyq baǵdarlamasy boıynsha jumys isteıdi.
Aıta ketetin jaıt, baqylaý basqarmalary tarapynan oqý jyly qarsańynda bilim ordalary qyzmetkerlerimen Zoom platformasy arqyly túsindirý jumystary júrgizilgen.