Nur-Sultanda joǵalyp ketken 19 jasar qyzdyń máıiti tabyldy, dep habarlaıdy Egemen.kz.
19 qyrkúıekte saǵat 11:00-de polısııaǵa úıden shyǵyp, oralmaǵan qyzynyń joǵalǵany týraly jetkizgen jergilikti turǵyn júgindi.
Joǵalǵan qyzdy izdestirý úshin qalalyq polısııa departamentiniń jeke quramy, jaıaý patrýlge túsken Ulttyq ulannyń jeke quramy, sondaı-aq eriktiler men jurtshylyq baǵdarlandy. Sońǵy ret qyzdy Baraev kóshesindegi kópirden kórgen. Izdeýge súńgýirler tobyn tartý týraly sheshim qabyldandy.
«22 qyrkúıek kúni saǵat 11:20-da jedel-izdestirý is-sharalaryn ótkizý barysynda polısııa qyzmetkerleri TJM jedel-qutqarý jasaǵymen birge Esil ózeninen qyzdyń máıitin tapty», dep habarlady Nur-Sultan PD baspasóz qyzmeti.
Atalǵan fakti boıynsha qylmystyq is qozǵalyp, sot-medısınalyq saraptama taǵaıyndaldy.