Almaty ákimi Baqytjan Saǵyntaev «Almaty» telearnasyndaǵy Akimat live baǵdarlamasynyń tikeleı efırinde koronavırýstyń aǵymdaǵy jaǵdaıy jáne vaksınalaný qarqyny týraly aıtty, dep habarlaıdy Egemen.kz.
Almaty epıdemıologııalyq baǵalaý matrısasy boıynsha áli qyzyl aımaqta.
«22 qyrkúıekte qalada koronavırýs ınfeksııasynyń 164 289 jaǵdaıy tirkeldi, onyń ishinde 141 872 naýqas sımptomdy jáne 22 417 – sımptomsyz, anyqtalmaǵan pnevmonııa – 2346. 21 qyrkúıete koronavırýs ınfeksııasynyń 498 jaǵdaıy tirkeldi, onyń ishinde 470-i sımptomdy, 28-i sımptomsyz, anyqtalmaǵan pnevmonııa – 5», dedi qala ákimi.
Baqytjan Saǵyntaev qalada koronavırýsqa shaldyqqan naýqastarǵa arnalǵan tósek oryndar men naýqastardyń búgingi naqty sanyn da aıtty.
«Infeksııalyq stasıonarlarda 5230 tósek oryn bar, olarda 2337 adam emdelýde, onyń ishinde 111 bala. 100 naýqas aýrýhanaǵa óte aýyr jaǵdaıda tústi, 993-iniń jaǵdaıy aýyr, 1241-i ortasha aýyrlyqta, 3-iniń jaǵdaıy jeńil. Reanımasııa jáne ıntensıvti terapııa bóliminde 229 naýqas jatyr. О́JJ apparatynda – 43, ınvazıvti emes О́JJ – 103, High flow apparatyndaǵylar – 68», dedi Saǵyntaev.
Shahar basshysy áli de sanıtarlyq-epıdemıologııalyq qaýipsizdik sharalaryn saqtaý kerektigin jáne indetke qarsy jappaı vaksınalaný – ınfeksııanyń jańa tolqynynyń aldyn alýǵa kómektesetinin aıtty.
«Ekpe saldyrý elimizdiń keıbir aımaqtarynda tirkelgen jańa Eta shtamyna da tosqaýyl bolady», dedi B.Saǵyntaev.
О́tken táýlikterde birinshi komponentpen 2417 adam, ekinshi komponentpen 3906 adam vaksınasııalandy. 1 aqpannan 21 qyrkúıekke deıingi aralyqta 933 678 adam I komponentpen, 827 239 II komponentpen egildi.