Ulybrıtanııanyń Premer-Mınıstri Borıs Djonson BUU-da sóılegen sózinde 40 kúnnen keıin ótetin álemdik kóshbasshylardyń klımat boıynsha sammıti «adamzat úshin betburys kezeńi bolatynyn» aıtty, dep jazady Egemen.kz.
Premer-Mınıstr jahandyq temperatýranyń sózsiz kóteriletinin eskertip, el basshylaryn osy ekologııalyq máseleni toqtatýǵa kúsh salýǵa shaqyrdy.
«Planetamyzǵa ǵana emes, ózimizge de zııan keltiretinimiz úshin» barlyq el moınyna jaýapkershilik alýy kerek», dedi ol Glazgodaǵy konferensııa aldynda.
Premer-Mınıstr sonymen qatar ǵalymdardyń eskertýine qulaq asatyn ýaqyt jetkenin aıtyp, onjyldyqtyń sońyna qaraı elder «eleýli ózgeris» engizýi tıis ekenin atap ótti.
«Men muny tórt baǵyt boıynsha: kómir, avtokólik, aqsha jáne aǵash otyrǵyzý boıynsha mindettemeler qabyldaı otyryp jasaı alatynymyzǵa senimdimin», dedi ol.