Búgin Túrkııada (Ystambul qalasy) Qazaqstan Táýelsizdiginiń 30 jyldyǵyna oraı «Jahandaný órkenıetindegi qazaq álemi» taqyrybynda qazaqtardyń kishi quryltaıy ótti, dep habarlaıdy Egemen.kz.
Kishi quryltaıdy QR AQDM qoldaýymen «Otandastar qory» Dúnıejúzi qazaqtary qaýymdastyǵymen birlesip uıymdastyrdy.
Qazaqtardyń kishi quryltaıynyń jumysyna Túrkııa men Eýropa elderindegi qazaq qaýymdarynyń, Qazaqstannyń mádenıet mekemeleri men joǵary oqý oryndarynyń 100-den astam ókilderi qatysty.
Shara jumysynyń aıasynda sheteldegi qazaq dıasporalarynyń ózekti máseleleri boıynsha nátıjeli pikir almasý boldy.
Aıta ketý kerek, kishi quryltaıdyń baǵdarlamasy kóptegen mádenı-aǵartý is-sharalaryn qamtydy.
Stambýl qalasynyń Baǵdyljar aýdanynda belgili sportshy Mustafa О́ztúrik atyndaǵy saıabaqtyń ashylý saltanaty ótti. Kishi quryltaıǵa qatysýshylar úshin qazaqstandyq mýzeıler men joǵary oqý oryndary «Altyn tamyrly Atajurt» atty kórme usyndy. Sondaı-aq Túrkııadaǵy qazaq dıasporasynyń jastary úshin «Bilim kórmesiniń» tusaýkeseri uıymdastyryldy.
Sonymen qatar, sheteldik isker qazaq qaýymdastyǵymen kezdesý barysynda «Alystaǵy aǵaıyn» derekti fılmi kórsetildi.
Kazaqtardyń kishi quryltaıy is-sharalar baǵdarlamasy aıasynda Qaraǵandy oblysynan kelgen Táttimbet Qazanǵapuly atyndaǵy Akademııalyq qazaq halyq aspaptar orkestriniń qatysýymen gala-konsert uıymdastyryldy.
Is-sharanyń qorytyndysy boıynsha qazaqstandyq tarap kishi quryltaıǵa qatysýshylarǵa Qazaq eliniń mádenıeti, tarıhy, Qazaqstandaǵy qazirgi ómir týraly ádebıetterdi syıǵa tartty.