Indetke shaldyqqan 962 naýqastyń jaǵdaıy aýyr

Qazaqstan óńirlerindegi epı­de­mııalyq ahýaldy baǵalaý matrısasyna nazar salsaq, «qyzyl aımaqta» Nur-Sultan, Almaty qalalary jáne Aqmola, Aqtóbe, Qaraǵandy, Qostanaı, Pavlodar oblystary, «sary aımaqta» Shymkent qalasy jáne Atyraý, Almaty, Qyzylorda, Soltústik Qazaqstan, Batys Qazaqstan, Shyǵys Qazaqstan oblystary, al «jasyl aımaqta» Túrkistan, Jambyl, Mańǵystaý oblystary tur.

Búginde 66 215 adam korona­vı­rýs ınfeksııasynan emdelýde, olardyń ishinde 11 653 pasıent­ ­stasıonarda, 54 562 naý­­qas ambýlatorııalyq deńgeı­de em qabyldaýda. Indetke shal­dyq­­qandardyń arasynda 962 adam­­nyń jaǵdaıy aýyr, 239 pa­sıenttiń jaǵdaıy óte aýyr, 131 naýqas О́JJ apparatynda jatyr.

Elimizde ótken táýlikte 3 905 adam koronavırýs indetinen em­de­lip shyqty. Aımaqtar bo­ıynsha aıtar bolsaq, Nur-Sultan qalasynda – 200, Almaty qalasynda – 848, Shymkent qa­la­synda – 72, Aqmola oblysynda – 201, Aqtóbe oblysynda – 137, Almaty oblysynda – 578, Atyraý oblysynda – 265, Shyǵys Qazaqstan oblysynda – 193, Jambyl oblysynda – 82, Batys Qazaqstan oblysynda – 136, Qaraǵandy oblysynda – 399, Qostanaı oblysyda – 142, Qyzylorda oblysynda – 59, Mańǵystaý oblysynda – 98, Pavlodar oblysynda – 312, Soltústik Qazaqstan oblysynda – 163, Túrkistan oblysynda 20 adam koronavırýs ınfeksııasynan aıyqty. Qazaqstan boıynsha jalpy indetten jazylǵandar sany – 801 673 adam.

Halyqtyń jappaı vaksına saldyrýy – berekemizdi ábden qashyryp, amandyǵymyzǵa zor qaýpin tóndirip turǵan indetten birjola qutylýdyń birden-bir amaly. Al koronavırýstyń mýtasııaǵa ushyryp qaıta kúsheı­gen shaǵynda kópshiliktiń kó­keıin­de «Elimizdegi qoljetimdi vaksınalar koronavırýstyń jańa shtamdaryna qanshalyqty tótep bere alady?» degen su­raq­­tyń týyndaǵany anyq. Bul rette Bıologııalyq qaýip­siz­dik problemalarynyń ǵyly­mı-zert­teý ıns­tıtýtynyń ǵalym­da­ry zertteýler júr­gi­zip, otan­dyq QazVac vaksınasy «Delta» shtamynan tıimdi qor­ǵaı­­­­tynyn habarlady.

Ǵalymdar beıtaraptandyrý reaksııasyna test ótkizdi. Nátı­jesinde, vırýsty beıtarap­tan­dyratyn antıdeneler klı­nı­ka­lyq zertteýlerge qatysqan eriktilerdiń 90%-nan astamyn­da anyqtaldy. Sondaı-aq zert­ha­nalyq janýarlarǵa tájirı­beler júr­gizildi. QazVac vaksınasy­nan keıin alamandarda paıda bol­ǵan antıdeneler koro­na­vı­­rýstyń «úndi» shtamyn beı­ta­rap­­­­tandyrýǵa qabiletti ekeni anyq­­­taldy.

Osy oraıda koronavırýsqa qarsy QazVas vaksınasyn Bıo­lo­gııa­lyq qaýip­sizdik prob­le­ma­­lary ǵyly­mı-zertteý ınstı­týtynyń ǵa­lym­dary ázir­le­genin aıta ketken jón.