Almaty qalasynda 23-28 qyrkúıek aralyǵynda Chaplin Mega Park kınoteatrynda QaraFest fılmderi kórsetiledi. Baǵdarlamada Chılı, Túrkııa, Shvesııa, Germanııa, Norvegııa, Fınlıandııa, Grýzııa, Belgııa, AQSh jáne Rýmynııadan on týyndy bar. Barlyq fılm túpnusqa tilinde, qazaq jáne orys sýbtıtrlerimen kórsetiledi. Al onlaın-festıval 30 qyrkúıek pen 9 qazan kúnderi ótkizilmek. Aıta keteıik, kórsetilimder «Soros-Qazaqstan» qorynyń jáne nıderlandtyq movies That Matter kınofestıvaliniń granttar baǵdarlamasynyń qoldaýymen uıymdastyrylyp otyr.
Álemdik kıno ındýstrııasyndaǵy jańa aǵymdar men túrli taqyryptardy baqylap, baǵamdaýǵa múmkindik beretin Qara Fest táýelsiz derekti kınofestıvali bıyl ekinshi márte ótkizilmek. Halyqaralyq baıqaýda kórsetiletin qatysýshy fılmderdiń alǵashqysy – «Men mingen poıyz» derekti fılmi. Bul týyndy – «Nık Keıv jáne osal tuqymdar» fılminiń rejısseri Arno Bıtshı men Ýorren Ellıstiń jobasy. Derekti fılmniń premerasy Rakkauta ja Anarkiaa kınofestıvalinde ótken bolatyn. Rejısser Arno Bıtshı qatal jaǵdaıda saıahattaı júrip, fılmniń basty keıipkerleriniń jan-dúnıesine úńiledi.
Atalǵan joba 2020 jylǵy karantın ýaqtynda bastaý alyp, byltyr 2200-den astam kórermenge Qazaqstannyń 8 úzdik derekti týyndysyn usynǵan edi.
Fılm baǵdarlamasy – kórermenge beıtanys, shynaıy ómirdi beıneleıtin ózge taǵdyrdy, ózgeshe keıipkerlerdi qamtıdy.
Bıylǵy kartınalar onlaın jáne Almaty qalasyndaǵy kınoteatrlarynda kórsetiledi.