QR Qorǵanys mınıstriniń orynbasary Tımýr Dándibaev II Dúnıejúzilik soǵys kezinde Germanııa konslagerlerinde qaza bolǵan 927 otandasymyzdyń tizimi tabylǵanyn habarlady. Búginde olardyń týystary men jaqyndaryn izdestirý jumystary bastaldy, dep jazady Egemen.kz.
«Vozvrashenıe ımenı» halyqaralyq patrıottyq uıymy soǵys kezinde Germanııadaǵy konslagerlerde qaza tapqan 927 qazaqstandyq jaýyngerlerdiń tizimin berdi. Qazirgi ýaqytta qaza tapqandardyń týystaryn anyqtaý boıynsha jumystar júrip jatyr. Sondaı-aq, bizdiń mınıstrlik ókilderi bıyl 8 mamyrda «Plasdarm» qoǵamdyq uıymynyń shaqyrýymen Ýkraınaǵa baryp, Slavıansk úshin shaıqasta qaza tapqan 99 jaýyngerdiń, onyń ishinde jerlesimiz - leıtenant Úkibaı Bazarbaıdyń súıekterin qaıta jerleý rásimine qatysty. Odan bólek, qazirgi ýaqytta reseılik izdeý toby bizdiń 12 jerlesimizdiń dene qaldyqtaryna saraptama júrgizýde, keıin olar bizge beriledi», dedi Tımýr Dándibaev.
Buǵan deıin QR Qorǵanys mınıstriniń orynbasary II Dúnıejúzilik soǵysta habar-osharsyz ketken 7 otandasymyzdyń máıiti tabylǵanyn aıtty. Onyń aıtýynsha, joǵalǵandardyń aty-jónderi anyqtalyp, elge jetkizilgen.