QR Qarýly Kúshteri Bas shtaby bastyǵynyń orynbasary avıasııa general-maıory Nurlan Kárbenov Shanhaı Yntymaqtastyq Uıymyna múshe memleketterdiń bas shtabt basshylarynyń keńesine qatysty, dep jazady Egemen.kz.
Uıymǵa múshe memleketter qarýly kúshteri bas shtabtarynyń, sondaı-aq ShYU Hatshylyǵynyń basshylary álemdegi áskerı-saıası ahýaldy talqylap, halyqaralyq qaýipsizdiktiń ózekti máseleleri men Aýǵanstandaǵy qazirgi jaǵdaıǵa qatysty pikir almasty.
Keńes Reseı Federasııasynyń Orynbor oblysyndaǵy «Dongýz» polıgonynda «Beıbit mıssııa-2021» áskerı terrorızmge qarsy birlesken komandalyq-shtabtyq oqý-jattyǵýy sheńberinde ótti. Keńestiń qorytyndysy boıynsha Hattamaǵa qol qoıylyp, 2023 jyly kezekti kezdesý ótkizý týraly ýaǵdalasty.