Memleket Basshysy Qasym-Jomart Toqaev Almatyda atys kezinde qaza tapqandardy marapattady, dep habarlaıdy Egemen.kz Aqordanyń baspasóz qyzmetine silteme jasap.
«Qazaqstan Respýblıkasynyń memlekettik nagradalarymen nagradtaý týraly qaýly etemin:
1. Qyzmettik boryshyn oryndaý kezinde kórsetken batyldyǵy men janqııarlyǵy úshin II dárejeli «Aıbyn» ordenimen: Ishki ister mınıstrligi Almaty qalasy polısııa departamentiniń Alataý aýdandyq polısııa basqarmasy janyndaǵy polısııa bóliminiń ýchaskelik ınspektory Nurbol Nazarbaıuly Baıǵazıev (qaıtys bolǵannan keıin);
Ishki ister mınıstrligi Almaty qalasy polısııa departamentiniń Alataý aýdandyq polısııa basqarmasy janyndaǵy polısııa bóliminiń ýchaskelik ınspektory Darhan Daýylbaıuly Súleev (qaıtys bolǵannan keıin) nagradtalsyn;
«Erligi úshin» medalimen jeke sot oryndaýshylarynyń Respýblıkalyq palatasynyń múshesi Abenov Murat Baqbergenuly (qaıtys bolǵannan keıin) nagradtalsyn.
2. Osy Jarlyq qol qoıylǵan kúninen bastap qoldanysqa engiziledi», delingen qujatta.