«Azııa-Avto» AQ basshysy Anton Nenahovtyń qaıtys bolǵany belgili boldy, dep habarlaıdy Egemen.kz.
«23 qyrkúıekte О́skemen qalasy polısııa basqarmasynyń Ertis polısııa bólimi atalǵan fakti boıynsha QR QK 105-baby 1-bóligi (ózin-ózi óltirýge deıin jetkizý) boıynsha sotqa deıingi tergeýdi bastady», dep habarlady ShQO PD baspasóz qyzmeti.
Qylmystyq is boıynsha tıisti sot saraptamalary taǵaıyndaldy.
Buǵan deıin sot QR IIDM-niń «Azııa-Avto» kompanııasynan óndirip alý týraly talabyn qanaǵattandyrǵan bolatyn. Kásiporynnyń bas aksıoneri - qazirgi ýaqytta izdeýde júrgen Anatolıı Balýshkın. Ol alaıaqtyq jasady degen kúdikke ilindi.