Álemdik mýzykanyń kóptegen juldyzdary men basqa da ataqty adamdar klımatty qorǵaýǵa jáne koronavırýstyq vaksınalardyń ádil taralýyna baǵyttalǵan 24 saǵattyq Global Citizen LIVE festıvalin qoldady, dep habarlaıd Egemen.kz DW saıtyna silteme jasap.
«Mıllıard aǵash otyrǵyzyp, álemniń kedeı elderine eki mıllıard doza koronavırýstyq vaksınany jetkizip, 41 mıllıon ashtyqty tamaqtandyryńyz» atty uranmen Parıjdiń Mars alańynda ótkizilgen Global Citizen Live halyqaralyq festıvalinde Elton Djon, Ed Sheran, Black Eyed Peas toby jáne basqa da álemdik mýzyka juldyzdary óner kórsetti.
Global Citizen úkimettik emes uıymy uıymdastyrǵan bul festıval 24 saǵatqa sozylyp, búkil álem boıynsha, sonyń ishinde Nıý-Iork, Rıo-de-Janeıro, Mýmbaı jáne Sıdneıde ótedi dep kútilýde.
Osy ýaqyt ishinde is-sharanyń tikeleı efıri ǵalamtorda júrgiziletin bolady.
Densaýlyq saqtaý uıymynyń (DDSU) basshysy Tedros Adhanom Gebreııýs álemdegi koronavırýstyq vaksınany ádil bólý úshin Global Citizen naýqanyn qoldady.