Vaksına koronavırýs qaýpin seıilte bastady

Máselen, Nıderlandta ót­ken senbiden bastap áleý­met­tik qashyqtyq saqtaý mindeti alynyp tastaldy. Onyń ornyna vaksına pasportyn kórsetse jet­kilikti. Osylaısha, oıyn-saýyq oryndaryna kirý erkin bolmaq. Atalǵan elde 18 aıdan beri «1,5 metrlik qoǵam» tú­si­nigi qalyptasqan edi. Iаǵnı ara­qashyqtyq 1,5 metrden kem bol­maýǵa tıis edi. Endi bul talap kúshin joıdy.

Senbiden bastap 13 jas­tan asqan adamdarǵa barlarǵa, dám­ha­nalarǵa, meıramhanalarǵa, sondaı-aq teatr sekildi mádenı oryn­darǵa kirýge shekteý qo­ıyl­maıdy. Tek meımandar Covid-19 qujatyn kórsetýi qa­jet. Onda tolyq vaksına al­­ǵany, koro­na­vı­rýs­qa qarsy testten ótkeni nemese jaqynda ja­zylyp shyq­qany kór­setilýge tıis.

Soltústik Irlandııa Uly­brı­tanııanyń qalǵan bóligimen birge qazan aıynan bastap ha­lyq­aralyq týrısterge ko­ro­na­vırýs testin tapsyrý ere­je­le­rin jeńildetpek. 4 qa­zan­nan bastap «qyzyl» tizimge enbegen elderden kelgen, tolyq vaksına alǵan saıahatshylar ushar aldynda test tapsyrmaıdy.

Kórshiles Irlandııa da shetelden kelgen saıahatshylardy mi­n­­detti túrde qonaqúıde karan­­tınde jatqyzý tártibiniń kúshin joıdy. Buǵan sebep – el aýma­­ǵynda vırýs juqtyrǵandar sany­nyń azaıýy.

Bıylǵy naýryzdyń aıaǵynan bastap úkimet bekitken tizimde bar elderden kelgen saıahatshylar mindetti túrde eki apta karantınde bolýǵa tıis edi. О́tken senbide Irlandııa densaýlyq saqtaý mınıstri Stıven Don­nel­lı bul tizimde eshqandaı el qal­maǵanyn málimdedi. Vedomstvo­ basshysynyń aıtýynsha, bul she­shim bas dárigerdiń ke­ńe­sine ne­gizdelip jasalǵan.

Sońǵy resmı málimetke sú­ıensek, Irlandııada jalpy sany 383 myń adam vırýs juqtyrsa, koronavırýs 5 209 adam­nyń ómirin qıdy. Qazirgi tań­da bes mıllıon halqy bar elde jańa anyqtalǵan naýqastar sany azaıǵan. Dúı­sen­­biden bastap Dýblınde qa­shyq­tan jumys isteý mindetti emes. Karantındik talaptardy bulaı jeńildetýge halyqtyń jappaı vaksına saldyrý áser etti. Búginde turǵyndardyń 90 pa­ıyzy ekpe alǵan.

Malta bıligi vaksına alǵan saıa­hatshylarǵa elge kirýge ruq­sat berdi. Sheshim týraly to­lyq aqparat resmı týrıstik por­talda ornalastyrylǵan. So­nymen qatar  Malta ekpeniń eki komponentin alǵan jaǵdaıda týrıstik maqsatta kele alatyn elderdiń tizimin jańartty.

Taılandta Covid-19 vırýsyna qarsy vaksına alǵandar el aýmaǵyna kelgende mindetti eki aptalyq karantın merzimin 7 kúnge deıin qysqartý jos­parlandy. Alaıda ekpe al­ǵany týraly anyqtamany kór­set­pe­gen­der ushaq arqyly kelse 10 kúnge, qurlyq arqyly kelse 14 kúnge oqshaýlanady.

Malaızııa úkimeti memle­ket­ara­lyq saıahatqa salynǵan ty­ıymdy alyp tastamaq. Ol úshin vaksına saldyrǵan turǵyndar sany 90 paıyzǵa jetýge tıis. Bul nátıjege qol jetkizý úshin úsh apta merzim qajet.

Joǵary qorǵanys mınıstri Datýk Serı Hıshamýddın Hý­seın úkimettiń úsh apta ishin­de alǵa qoıǵan maqsatqa jetý úshin vaksına salýdy tez­detý úshin iske kiriskenin má­lim­­dedi. Premer-mınıstr Datýk Serı Ismaıl Sabrı Iаakob memleketaralyq saıa­hat­qa ekpe al­ǵandar sany 90 paıyzǵa jetkende ruqsat eti­le­tinin má­lim­dedi. Qazirgi tańda ma­laı­zııalyq eresek adam­dar­dyń shamamen 80 paıyzy tolyq vaksına saldyrǵan.

Norvegııada da áleýmettik shekteý sharalary men bızneske salynǵan erejeler senbiden bastap jeńildetildi. Premer-mınıstr Erna Solberg bas­pa­sóz máslıhatynda áleýmettik qashyqtyqtyń endi qajeti joq ekenin málimdedi. Osy­laı­sha, túngi klýbtar qaıta ashy­lyp, meı­ramhanalar ju­my­syn qa­lyp­ty jaǵdaıda jal­ǵas­ty­ra­dy.