Aty shýly qylmysker Djıtender Gogıdi Úndistan astanasyndaǵy sot zalynda advokat keıpinde kezdesýge kirgen qarsylastary atyp óltirdi, dep habarlaıdy Egemen.kz.
Birqatar qylmystyq isterge qatysy bar Djıtender Gogı ótken jyly Tıhar túrmesine qamalǵan.
Tillu dep atalatyn qylmystyq top Gogıdi óltirýdi kópten josparlaǵan. Onyń qaýipsizdigi úshin polısııa ony aýrýhanada qaıtys boldy dep habarlaǵan. Al juma kúni Gogıdi sot otyrysyna alyp barǵanda, advokat keıpine engen eki qylmysker tutqynǵa oq jaýdyrdy.
«Polısııa tez áreket etip, shabýyldaýshylardyń ekeýin de óltirdi. Barlyǵy úsh adam qaza tapty, onyń ishinde Djıtender Gogı de bar», dedi Delı qalasynyń polısııa komıssary Rakesh Astana.
Atys kezinde barlyǵy 30 ret oq atylǵan. Polısııa oqıǵaǵa baılanysty tergeý bastady.
«Sot zalynda metall izdegishter jumys istedi me degen suraq tergeý obektisine aınaldy. Men qazir bul týraly túsinikteme bere almaımyn. Bul isti tergep jatyrmyz jáne bul atysqa qatysy bar eshkimdi jaýapsyz qaldyrmaımyz», dedi Rakesh Astana.