QR Aqparat jáne qoǵamdyq damý vıse-mınıstri Kemelbek Oıshybaev Astana Media Week-te Qazaqstanda tirkelgen buqaralyq aqparat quraldarynyń statıstıkasy týraly aıtty, dep jazady Egemen.kz.
«1 qyrkúıektegi jaǵdaı boıynsha Qazaqstanda 4919 BAQ tirkelgen. Bir jyl buryn onyń sany 4550 bolǵan edi. Iаǵnı, bir jylda 369 jańa BAQ tirkelgen. Buqaralyq aqparat quraldary sanynyń ósýine qaraǵanda, elimizde BAQ-tyń damý strategııasy durys qoldanylyp jatyr dep aıtýǵa bolady», dedi Kemelbek Oıshybaev.
Vıse-mınıstr memlekettik BAQ-tyń damýy týraly da aıtty.
«Memlekettik BAQ jumysy ınternette - áleýmettik jelilerde, vıdeohostıngter men messendjerlerde belsendi túrde ósip kele jatqanyn atap ótkim keledi. «Qazaqstan» jáne «Habar» memlekettik arnalary jobasyn ınternet aýdıtorııasyna beıimdeý boıynsha belsendi jumys júrgizip jatyr. Biregeı veb-mazmundy, podkasttar men suhbattardy shyǵarady», dep atap ótti spıker.