Koronavırýs ınfeksııasynyń taralýyna jol bermeý jónindegi vedomstvoaralyq komıssııanyń tóraǵasy, vıse-premer Eraly Toǵjanov toıǵa ne sebepti ruqsat berilgenin túsindirdi, dep habarlaıdy Egemen.kz.
«Másele toı men banketke ruqsat berýde emes. Negizgi maqsatymyz – shaǵyn jáne orta bıznesti qoldaý. Al ruqsat berilip tursa, jalpy Qazaqstan boıynsha barlyǵy toı ótkize alady degen sóz emes. Koronavırýsty baqylaý mindeti alynyp tastalǵan joq. Sondyqtan osy másele únemi koronavırýs ınfeksııasynyń taralýyna jol bermeý jónindegi vedomstvoaralyq komıssııanyń otyrystarynda qaralady», dedi Toǵjanov úkimettiń baspasóz ortalyǵynda ótken onlaın brıfıngte.
Onyń aıtýynsha, apta saıyn sanıtarlyq-epıdemıologııalyq jaǵdaı zerdelenedi, sanıtarlyq talaptarǵa saı kelmeıtin toılardy anyqtaý sharalary jalǵasa beredi.