Úkimettiń baspasóz ortalyǵynda Bilim jáne ǵylym mınıstri Ashat Aımaǵambetov balalardy qorǵaý, jetimder úıin tekserý boıynsha qandaı sharalar qolǵa alynyp jatqany týraly aıtyp berdi, dep jazady Egemen.kz.
«Balalardyń quqyǵyn qorǵaý boıynsha keshendi jumys júrgizilip jatyr. Ol úshin tıisti jol kartasy Úkimettiń Qaýlysymen bekitildi. Sondaı-aq osy máseleni jan-jaqtan qaraý úshin óńirlerde arnaıy monıtorıng júrgizetin toptar da quryldy. Oǵan qoǵam belsendileri, úkimettik emes uıymdardyń ókilderi, jýrnalıster jáne basqa da azamattar qatysyp, der kezinde osy máselelerdi qaraıdy», dedi mınıstr.
Odan bólek, balalar úılerinde tıisti qamqorshylyq keńesteri qurylyp, olardyń jumystary da jańa tártippen júrgiziledi.
«Tekseris ótkizýdiń jıiligin qaıta qarastyrý boıynsha tıisti sharalar qabyldadyq. Sondyqtan tekseris, aldyn alý máselesi osy júıemen júrgiziledi», dep jaýap berdi Aımaǵambetov.
Osy suraqqa brıfıng barysynda Premer-Mınıstr orynbasary Eraly Toǵjanov ta jaýap berdi.
«Bul – óte mańyzdy suraq. Sol sebepti erekshe baqylaýda. Úkimet janynda kámeletke tolmaǵandarǵa baılanysty vedomstvoaralyq komıssııa bar. Bolashaqta ondaı jaǵdaılardyń boldyrmaýyna qatysty naqty sharalar qabyldanyp, ár aımaqqa jiberiledi», dep tolyqtyrdy Úkimet múshesi.