Bıýro músheleri Senattyń 2021 jylǵy 30 qyrkúıekke josparlanǵan kezekti otyrysynyń kún tártibin bekitti, dep habarlaıdy Egemen.kz.
Senatorlar beısenbi kúni «Qazaqstan Respýblıkasynyń keıbir zańnamalyq aktilerine memlekettik satyp alý, jer qoınaýyn paıdalanýshylar men tabıǵı monopolııalar sýbektileriniń satyp alýy, baılanys, avtomobıl kóligi jáne qorǵanys máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qaraıtyn boldy.
Zań jobasynda memlekettik satyp alýdyń 4 jańa tásilin engizý kózdelip otyr. Bir kózden alý arqyly memlekettik satyp alýdy júzege asyrý úshin negizdemeler sanyn qysqartý qujattaǵy jańalyq bolyp otyr.
Sonymen qatar bıýroda Májilis maquldaǵan zań jobalary Palata komıtetterine bólinip berildi.