Qazan aıynda qazaqstandyqtardy 10 demalys kúni kútip tur, dep habarlaıdy Egemen.kz.
Beskúndik jumys aptasynda qazaqstandyqtar 10 kún demalyp, 21 kún jumys isteıdi. Al aptasyna alty kún jumys isteıtinderdi 5 demalys pen 26 jumys kúni kútip tur.
2021 jyldyń onynshy aıynda memlekettik ne ulttyq mereke joq. Biraq demalys berilmeıtin birqatar mereke bar: 1 qazan - Qarttar kúni men Radıo kúni; qazannyń birinshi jeksenbisi - Muǵalimder kúni; 6 qazan - Qorǵanys ónerkásibi qyzmetkerleriniń kúni; 10 qazan - Qazaqstan kásipodaq kúni; 16 qazan - Nan kúni; 19 qazan - Qutqarýshylar kúni; qazannyń úshinshi jeksenbisi - Orman sharýashylyǵy qyzmetkerleri kúni; 29 qazan - Kúzet uıymdary qyzmetkerleri kúni; qazannyń sońǵy jeksenbisi - Áleýmettik qorǵaý júıesi qyzmetkerleriniń kúni.