Chılı mektepterinde 6 men 11 jas aralyǵyndaǵy oqýshylarǵa koronavırýsqa qarsy vaksına salyna bastady, dep jazady Egemen.kz.
«Habar 24» arnasynyń jazýynsha, vaksına balalarǵa ata-anasynyń ruqsatymen, erikti túrde salynady. Bul týraly eldiń densaýlyq saqtaý mınıstri habarlaǵan.
Sharaǵa qytaılyq Sinovac preparaty tańdalǵan.
Aıta keteıik, elde 12 men 17 jas aralyǵyndaǵy jasóspirimderdiń 84 prosenti indetke qarsy dárini qabyldap úlgergen. Al ótken aıda 55 jastan asqan turǵyndarǵa 3-dozany salý bastaldy.
«Kópten beri josparlaǵan is-sharany qolǵa aldyq. 6 men 11 jas aralyǵyndaǵy balalar ekpe qabyldaı alady. Vaksına saldyrý – erikti. Preparattyń tıimdiligi men qaýipsizdigi dáleldendi», dedi Chılı Densaýlyq saqtaý mınıstrliginiń ókili Paýla Daza.