Toǵyzqumalaq Qazaqstan egemendigine qol jetkizgen jyldan beri qarqyndy damyp keledi. Bul jerde elimizde qurylǵan Toǵyzqumalaq federasııasynyń yqpaly zor bolyp otyr. Búgingi tańda osy qaýymdastyqtyń arqasynda eldiń túkpir-túkpirinde úıirmeler ashylyp, toǵyzqumalaqtan jarystar jıi ótkizilip júr.
Jaqynda Qazaqstan Respýblıkasy Qarýly Kúshteriniń «Astana» óńirlik qolbasshylyǵy áskerlerine qarasty 06708 áskerı bóliminde toǵyzqumalaqtan jarys uıymdastyryldy. Saıys sarbazdar men oqýshylar arasynda órbidi. Sarbazdar qataryn 06708 áskerı bólimniń merzimdi áskerı qyzmettegi áskerı qyzmetshileri qurasa, oqýshylar legin kommýnaldyq mekemesinde bilim alyp júrgen toǵyzqumalaqty úırenýshi jas jetkinshekter tolyqtyrdy. Asa tartysty ótken ulttyq óner saıysynda alǵa sýyrylyp shyqqandar qatary anyqtaldy.
Aqtyq synda tamasha óner kórsetken Qaraǵandy oblysy bilim basqarmasynyń Prıozersk qalasy bilim bóliminiń «№1 jalpy bilim beretin mektebi» kommýnaldyq memlekettik mekemesiniń 9 «b» synyp oqýshysy Alına Kárimova jarys jeńimpazy atandy. Al júldeli II oryndy 06708 áskerı bóliminiń qatardaǵy jaýyngeri Aıdyn Kenjebaı ıelense, III oryn 06708 áskerı bóliminiń qatardaǵy jaýyngeri Dáýren Tazabaevqa buıyrdy.
Aıta keterlik jaıt, osy toǵyzqumalaq saıysynyń jeńimpazy Alına Kárimova bıylǵy onlaın formatynda ótetin VII respýblıkalyq «Aıbyn-2021» áskerı-patrıottyq jıynynyń baǵdarlamasyna engizilgen toǵyzqumalaq saıysynda baǵyn synamaqshy.
Endeshe, áskerı ortada ótken jarysta jeńistiń bıik tuǵyryna kóterilgen Alınaǵa sáttilik tileımiz!
Tilek KENJEBEKOV