Sınoptıkter 27 naýryzda Astana qalasy men Qazaqstannyń 15 óńirinde aýa raıyna baılanysty eskertý jarııalanǵanyn málimdedi, dep jazady Egemen.kz.
Astanada túngi jáne tańǵy ýaqyttarda joldarda kóktaıǵaq bolýy yqtımal.
Abaı oblysynda túnde óńirdiń soltústiginde kóktaıǵaq kútiledi. Sonymen qatar túnde jáne tańerteń oblystyń soltústiginde, ońtústigi men ortalyǵynda tuman túsedi. Ońtústik-batys pen ońtústikte jel ońtústik-shyǵystan soltústik-shyǵysqa aýysyp, ekpini 15-20 m/s-qa deıin jetedi.
Aqmola oblysynyń batysynda, soltústiginde jáne shyǵysynda tuman kútiledi. Joldarda kóktaıǵaq bolýy múmkin.
Aqtóbe oblysynda soltústik pen ortalyqta shyǵystan soqqan jel kúsheıip, ekpini 15-20 m/s-qa jetedi.
Atyraý oblysynyń batysynda tuman túsedi. Shyǵysynda jel kúsheıip, ekpini 15-20 m/s bolady.
Almaty oblysynda jel ońtústik-shyǵystan batysqa aýysyp, shyǵysynda jáne taýly aımaqtarynda ekpini 18 m/s-qa deıin kúsheıedi.
Shyǵys Qazaqstan oblysynyń soltústiginde túnde jáne tańerteń kóktaıǵaq bolady. Sonymen qatar oblystyń soltústigi, shyǵysy men ońtústiginde tuman kútiledi.
Jambyl oblysynyń ońtústigi men taýly óńirlerinde tuman baıqalady. Soltústik-shyǵysynda shańdy daýyl soǵýy múmkin. Jeldiń ekpini keı jerlerde 23 m/s-qa deıin jetedi.
Batys Qazaqstan oblysynyń batysy, soltústigi jáne shyǵysynda tuman kútiledi.
Qaraǵandy oblysynyń birqatar aımaqtarynda tuman bolady. Ońtústiginde jeldiń ekpini 15 m/s-qa deıin jetedi.
Qostanaı oblysynyń soltústigi men shyǵysynda tuman túsip, túngi jáne tańǵy ýaqytta joldarda kóktaıǵaq qalyptasady.
Mańǵystaý oblysynda batysynda, ońtústiginde jáne ortalyǵynda jańbyr men naızaǵaı kútiledi. Keı jerlerde tuman túsip, kúndiz shańdy daýyl soǵýy múmkin. Jeldiń ekpini 23 m/s-qa deıin jetedi.
Pavlodar oblysynyń batysy, soltústigi jáne shyǵysynda tuman túsedi. Joldarda kóktaıǵaq bolýy yqtımal.
Soltústik Qazaqstan oblysynda tuman men kóktaıǵaq kútiledi.
Túrkistan oblysynyń taýly aımaqtarynda kúndiz naızaǵaı bolady. Jeldiń ekpini 15-20 m/s-qa deıin kúsheıedi.
Ulytaý oblysynda tuman túsip, keı óńirlerde jeldiń ekpini 15-20 m/s-qa jetedi.
Sınoptıkter aýa raıynyń qolaısyzdyǵyna baılanysty turǵyndarǵa saqtyq sharalaryn saqtaýdy eskertedi.