«QazAvtoJol» ulttyq kompanııasy Qazaqstandaǵy respýblıkalyq mańyzy bar avtojoldardaǵy ahýal týraly málimet berdi. 2026 jylǵy 27 naýryz saǵat 08:00-degi jaǵdaı boıynsha birqatar baǵyttarda qozǵalysqa shekteý engizilgen, dep habarlaıdy Egemen.kz.
Soltústik Qazaqstan oblysynda
«Tımırıazevo – Sarykól – Qostanaı oblysynyń shekarasy» avtojolynyń 0-30 shaqyrym aralyǵynda (Tımırıazevo aýyly – Qostanaı oblysynyń shekarasy ýchaskesi) qozǵalys shekteldi.
Pavlodar oblysynda
«Astana – Shiderti – Pavlodar – Ýspenka – RF shekarasy» avtojolynda («Qalqaman» jolaıryǵynan Qalqaman kentine kireberis jáne Astana baǵytyna shyǵaberis aralyǵy) qozǵalysqa shekteý qoıyldy.
Shyǵys Qazaqstan oblysynda
Taýly aımaqtardaǵy kúrdeli aýa raıyna baılanysty Osınov asýynda (46-66 shaqyrym, Severnyı aýyly burylysy – Serebrıansk qalasyna burylys aralyǵy) tirkemesi jáne jartylaı tirkemesi bar júk kólikteriniń qozǵalysyna ýaqytsha tyıym salyndy.
Eske sala keteıik, sınoptıkter 27 naýryz kúni Astana qalasy men elimizdiń 15 óńirinde aýa raıyna baılanysty eskertý jarııalaǵan bolatyn. Júrgizýshilerge jolda asa saq bolý jáne aýa raıy jaǵdaıyn eskerý usynylady.