Qytaı Kúndi zertteıtin birinshi spýtnıkti osy jyly ushyrady. Bul týraly Airshow China 2021 halyqaralyq aeroǵarysh kórmesinde Shanhaı ǵaryshtyq ushý tehnologııasy akademııasy (SAST) málimdedi, dep jazady Egemen.kz.
Spýtnıktiń negizgi júktemesi kún spektrometri bolady, ol Kúnniń H-alfa sýretterin jınaıdy jáne zertteýshilerge Kúnniń jarylýy kezinde ózgeristerdi baqylaýǵa múmkindik beredi.
Spýtnık platformalyq jáne paıdaly júkteme bólimderinen turady, olar joǵary dáldik pen júkteme turaqtylyǵyn qamtamasyz etedi.
SAST spýtnıkti ushyrý Qytaıǵa Kún týraly irgeli zertteýlerdi júrgizýge, joǵary tehnologııalyq salalardy kóterýge jáne halyqaralyq zertteýlerge úles qosýǵa múmkindik beredi dep úmittenedi.
Eske salaıyq, 28 qyrkúıek pen 3 qazan aralyǵynda Qytaıdyń ońtústigindegi Gýandýn provınsııasynyń Chjýhaı qalasynda 13-shi Halyqaralyq Airshow China 2021 aeroǵarysh kórmesi ótip jatyr.
Bıylǵy jyly kórmege azamattyq jáne áskerı tehnıkanyń, aeroǵaryshtyq jáne qorǵanys quraldarynyń myńdaǵan úlgici men 40 el men aımaqtyń 700 kompanııanyń áskerı ónimderi qoıylǵan.
Airshow China uıymdastyrý komıteti 14-shi Halyqaralyq aeroǵarysh kórmesi 2022 jyldyń 8-13 qarashasynda Chjýhaıda ótetinin habarlady.