Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy QR AQDM Din isteri jónindegi komıtettiń qoldaýymen onlaın-formatta «Beıbitshilik pen kelisim jolyndaǵy dinaralyq dıalog» atty dóńgelek ústel uıymdastyrdy.
Dóńgelek ústelge QR Prezıdenti janyndaǵy QSZI, Ál-Farabı atyndaǵy QazUÝ, H.A. Iаsaýı atyndaǵy HQTÝ, Abaı atyndaǵy QazUPÝ, «Nur-Múbarak» Islam mádenıeti ýnıversıteti, E. Bóketov atyndaǵy QarMÝ jetekshi ǵylymı qyzmetkerleri men ókilderi qatysty.
Is-shara din salasyndaǵy memlekettik saıasattyń negizgi baǵyttaryn túsindirýge, sondaı-aq Elbasynyń negizgi bastamalaryn, biregeı halyqaralyq alań - Álemdik jáne dástúrli din kóshbasshylarynyń sezin ilgeriletýge baǵyttalǵan.
N.Nazarbaev ortalyǵynyń basqarma tóraǵasy Bolat Sársenbaev osy jyldyń 5-6 qazanynda álemniń 20 elinen: Ázirbaıjan, Armenııa, SAK, BAÁ, Úndistan, Pákistan, Reseı, Túrkııa, Iran, Vatıkan, Ulybrıtanııa, Izraıl, Mysyr jáne taǵy da basqa halyqaralyq uıymdary, dinı birlestikteri ókilderiniń qatysýymen Sezd Hatshylyǵynyń XIX otyrysy ótkiziletini týraly aıtty.
QR AQDM Din isteri komıteti tóraǵasynyń orynbasary Baýyrjan Bákirov dóńgelek ústelge qatysýshylardy dintanýshylar men teologtardyń bilikti mamandaryn daıarlaý jáne qaıta daıarlaý jónindegi komıtettiń jumysymen tanystyrdy.
Esterińizge sala keteıik, N.Nazarbaev ortalyǵy elimizdiń jetekshi joǵary oqý oryndarymen yntymaqtastyq týraly memorandýmdar aıasynda jobalar men is-sharalardy, sonyń ishinde taqyryptyq taldamalyq materıaldardy jarııalap, birlesken zertteýler, ǵylymı taǵylymdamalardy turaqty túrde júzege asyryp keledi.