Kongo Demokratııalyq Respýblıkasynda adamdardy sıqyrshy kórip, ólim jazasyna kesý deregi kóbeıdi, dep jazady Egemen.kz.
The Guardian jazýynsha, quqyq qorǵaýshylar qyrkúıekte Ońtústik Kıvý provınsııasynyń úsh aýdanynda segiz áıel tirideı órtelgen. Bul provınsııany uzaq jyldar qarýly toptar basqardy. Advokattar bul jaǵdaıǵa shara qoldanǵysy kelmeıtin el basshylyǵyn kinálady.
Quqyq qorǵaýshylar «mystandardy» anyqtaý úshin turǵyndar «sıqyrshylardy» qoldanatynyn atap ótti.
Muǵalim jáne quqyq qorǵaýshy Shasha Rýbenga 2000-ǵa jýyq turǵyny bar Chıfýnzı aýylynda «mystandardy» aýlaý oqıǵasyna kýá boldy. Olardyń qolynda jasy 65-ten asqan 19 áıeldiń aty jazylǵan tizim bolǵan. Áıelderdiń kópshiligi úıinen qashyp úlgergen. Keıbireýin úkimet áskeri qutqaryp qaldy. Rýbenga bir áıeldi qalaı órtep jibergenine de kýá bolǵan. Alaıda qylmystkerlerdi tabý ońaı emes, óıtkeni qoǵamdastyq basshylary aty-jónin atamaıdy.