Energetıka mınıstrliginiń aqparaty boıynsha resýrs ıelenýshilermen Pavlodar oblysyna qosymsha 2 myń tonna kóleminde gaz otynyn jetkizý týraly kelisim bar, bul kórsetilgen qajettilikti jabady. Bul týraly AShM baspasóz qyzmeti habarlady, dep jazady Egemen.kz.
Buǵan deıin buqaralyq aqparat quraldarynda astyq keptirý qondyrǵylarynyń jumysy úshin qajetti suıytylǵan tabıǵı gazdyń bolmaýy sebebinen Qazaqstandaǵy astyq daqylynyń «kúıip ketýine» ákep soqtyrýy múmkin degen aqparat jarııalanǵan.
«Gaz otynymen jumys isteıtin jabdyqty negizinen Pavlodar oblysynyń aýyl sharýashylyǵy taýar óndirýshileri paıdalanady. Oblysta jınaý naýqany úshin gaz boıynsha jalpy qajettilik 720 tonnany quraıdy. Energetıka mınıstrliginiń aqparaty boıynsha resýrs ıelenýshilermen Pavlodar oblysyna qosymsha 2 myń tonna kóleminde gaz otynyn jetkizý týraly kelisim bar, bul kórsetilgen qajettilikti jabady», delingen habarlamada.
Qazirgi ýaqytta Aýyl sharýashylyǵy jáne Energetıka mınıstrlikterine Shyǵys Qazaqstan (7,0 myń tonna), Pavlodar (2,0 myń tonna) oblystarynyń ákimdikterinen dándi daqyldardy keptirýge dızel otynynyń qosymsha kólemine ótinimder kelip tústi. Kórsetilgen kólemderdi bólý máselesi qarastyrylýda.