21-25 qyrkúıek aralyǵynda Shymkent qalasynda tirek-qımyl apparaty zaqymdanǵan jáne kórý qabileti nashar sportshylar arasynda QR VI Spartakıadasy aıasynda paralımpıadalyq emes sport túrlerinen jarys ótti, dep jazady Egemen.kz.
«Paralımpıadalyq emes sport túrlerine doıby «64» (kórý qabiletý nashar), doıby «100» (kórý qabileti tómen), shahmat (tirek qımyl apparaty zaqymdanǵan jáne kórý qabileti tómen), arbamen bıleý (tirek qımyl apparaty zaqymdanǵan), karate (kórý jáne tirek qımyl apparaty zaqymdanǵan) jatady», dep jazady Mádenıet jáne sport mınıstrliginiń baspasóz qyzmeti.
Doıby, shahmat, toǵyzqumalaq básekesi «Kórme» ortalyǵynda, karate jekpe-jekteri joǵary sport sheberligi mektebinde, arbada bıleý jarysy «Túrkistan saraıy» mádenıet úıinde ótti.
Spartakıadaǵa Qazaqstannyń 17 óńirinen kelgen 341 sportshy qatysty. Onyń ishinde «Doıby -100» boıynsha – 35 sportshy, «Doıby -64» boıynsha - 47 sportshy, «Shahmat» boıynsha – 84, «Toǵyzqumalaq» boıynsha - 86, «Arbamen bıleý» boıynsha-74, «Karate» boıynsha-15 sportshy keldi.