Mıllıoner muǵalim

«Jyl muǵalimi» atanǵan Alla Býrenkova Almatydaǵy №42 mektepte mýzyka páninen dáris beredi. Sabaq ótkizý bary­syndaǵy tyń tásilderi men aıryqsha ádistemeleri halyq­aralyq basylymdarǵa jarııa­lanǵan tálimgerdiń shákirt­teri de ǵylymı dodalarda top jaryp júr. О́z isine jan dú­nıe­simen berilgen ustaz respýblıkalyq baıqaýda baǵy jan­ǵanyna dán rıza. Endi ol «Álem muǵalimi» jobasynda el namysyn qorǵaıdy. Aıta ketý ke­rek, aldaǵy jylǵa jos­par­la­nyp otyrǵan álemdik baı­qaý­­dyń júlde qory – 1 mln dollar.

– Júzdegen jannyń arasynan sýyrylyp shyǵyp, jyl muǵalimi atan­ǵanyma qýanysh­tymyn. Bul – úlken mereı ári zor jaýapkershilik. Maǵan senim bildirgen jandarǵa alǵysym zor. Atalǵan konkýrs  –shy­nymen de mamandar táji­­rı­besin shyńdap, yntalandyratyn aı­ryqsha joba. Zamanaýı muǵalim árqashan izdenis ústinde júrip, ózin je­tildirip otyrýy kerek. «Álem muǵalimi» baıqaýynda el na­mysyn abyroımen qor­ǵaýǵa barymdy salamyn. Basty maqsat – shákirtterimniń sanaly azamat bolyp qalyp­tasýy, – deıdi Alla Býrenkova.

Jyldyń úzdik ustazy res­pýb­lı­kalyq baıqaýy qoǵam­dyq ma­ńyzy bar bastamalardy damytý qorynyń qoldaýymen úshinshi ret uıymdastyrylyp otyr. Úzdikterdi anyqtaý ba­rysynda muǵalimniń áleýmettik sharalarǵa belsene qatysýy men sabaq berýdegi erekshe ádistemesi nazarǵa alyn­dy. Úmit­­kerlerdiń eń­begin táýelsiz sarap­shylardan qu­ralǵan peda­gogıkanyń jetek­shi mamandary, qoǵam qaıratkerleri jáne ata-analar qaýymdastyǵynyń ókil­deri baǵalaǵan. Qoǵamdyq ma­ńyzy bar bastamalardy damytý qorynyń quryltaıshysy Álııa Nazarbaeva elimizde «Jyl mu­­ǵa­limi» ulttyq syılyǵyn ótki­­zý dástúrge aınalatynyn jet­kizdi.

Eske salsaq, Semeıdegi Nazar­baev Zııatkerlik mektebi­niń muǵa­li­mi Ashat Jumabekov byltyr jahan­dyq syılyqtyń fınalısi atanyp, álemniń úzdik 50 muǵalimi sanatyna engen edi.

ALMATY