Beıjiń qysqy Olımpıadasynyń bıletterin Qytaıdaǵy jankúıerler ǵana ala alady. Bul týraly Halyqaralyq Olımpıada komıteti (HOK) habarlady, dep jazady Egemen.kz.
Qysqy Olımpıada oıyndaryn zaldan kórgisi keletin kórermender koronavırýsqa qarsy hattama talaptaryn oryndaýǵa tıis. Bılet satylymynyń erejeleri ázirlenip jatyr, keıinirek kópshilikke jarııalanady.
Koronavırýsqa qarsy vaksınasııanyń tolyq kýrsyn aıaqtaǵan barlyq sportshy men qatysýshy Qytaıǵa kelgennen keıin jabyq sıkl júıesinde bolady.
Vaksına saldyrmaǵan sportshylar QHR astanasyna kelgennen keıin 21 kún karantınde bolýy kerek. Al ekpe almaýǵa medısınalyq sebepteri bar sportshylar bólek qaralady.
Sportshylar men olardy ertip júretin delegasııadan basqa barlyq qatysýshy uıymdastyrýshylar belgilegen qonaqúıge ornalastyrylady. Oıynǵa qatysýshylar men qyzmetkerler kún saıyn PTR-test tapsyrady.
Beıjińdegi Qysqy Olımpıada oıyndary 2022 jyldyń 4-20 aqpanynda, al qysqy Paralımpıada 4-13 naýryz aralyǵynda ótedi.
Buǵan deıin habarlanǵandaı, Pekın 2022 Olımpıada alaýyn jaǵý rásimi kórermensiz ótedi.