О́ńirge tanymal «Eco Milk» JShS jańa irimshik sehyn iske qosty. Qazir munda daıyn ónim testtik saraptaýdan ótkizilýde.
О́tken jyldyń jeltoqsan aıynda qurylysy aıaqtalǵan óndiris oshaǵynda Germanııanyń ozyq tehnologııasyna negizdelgen zamanalyq jabdyqtar ornatyldy. Astananyń azyq-túlik beldeýin nyǵaıtý maqsatyndaǵy jobaǵa 740 mıllıon teńge ınvestısııa jumyldyryldy. Bul qarjy óndiris ornyn qurýǵa, sútti qaıta óńdeý jáne saqtaý jabdyqtaryn satyp alýǵa, derbes zerthana uıymdastyrýǵa, gazben, elektrmen jáne sýmen qamtamasyz etý qurylǵylaryn ornatýǵa jumsalǵan. Sondaı-aq, SanPIN talaptaryna sáıkes sanıtarlyq ótkizgish, gıgıenalyq stansa jabdyqtaldy.
Kóp uzamaı jobalyq qýatyna enetin óndiris oshaǵynda 110 adam turaqty jumyspen qamtylatyn bolady. Seh ónimderin Astana qalasymen birge Qaraǵandy, Kókshetaý, Petropavl, Pavlodar qalalarynyń saýda núktelerine jóneltý josparlanyp otyr.
Baqbergen AMALBEK,
«Egemen Qazaqstan».
Aqmola oblysy,
Aqkól aýdany.