Elordada Qazaqstannyń eńbek sińirgen jattyqtyrýshysy Qaırat Manashevtiń 60 jasqa tolýyna oraı bokstan chempıonat ótip jatyr, dep jazady Egemen.kz.
Chempıonatqa 17 jáne odan joǵary jastaǵy 100 boksshy qatysyp jatyr.
Birinshiliktiń saltanatty ashylý rásiminde elordalyq Dene shynyqtyrý jáne sport basqarmasynyń basshysy Samat Erǵalıev mereıtoı ıesin quttyqtap, elorda ákimi Altaı Kólginovtiń quttyqtaý hatyn tabys etti.
«Bul jarys elorda quramasyn qalyptastyrýǵa septigin tıgizedi. Sondaı-aq, onyń jeńimpazdary respýblıkalyq jáne halyqaralyq jarystarǵa elorda atynan qatysady», dedi ol.
Áıgili jattyqtyrýshy Qaırat Manashev óz sózinde talantty shákirtter ustazynyń jumysyn jeńildetip qana qoımaı, ómirin uzartatynyn aıtty.
«Ár sportshyǵa jekelegen tásil tabý qajet, jattyqtyrýshylar jumysyndaǵy eń bastysy – shydamdylyq. Shydamdylyq pen eńbek – chempıondardyń qupııasy», dep esepteıdi Qaırat Manashev.
«Týrnırde sanıtarlyq normalar men karantın talaptary qatań saqtalady», dep jazady qala ákimdiginiń resmı saıty.