QR QM Memlekettik kirister komıteti Tóraǵasynyń orynbasary Jaıdar Ińkárbaev ortalyq kommýnıkasııalar qyzmetine ótip jatqan brıfıngte aldaǵy jyldary qansha adam deklarasııa tapsyrýǵa mindetteletinin aıtty, dep jazady Egemen.kz.
Memlekettik qyzmetkerler men olarǵa teńestirilgen azamattar jáne olardyń jubaılary ózderiniń jeke aktıvteri men mindettemelerin birinshi kezeńde kórsetedi. Búgingi tańda olardyń 99%-y elektrondy túrde deklarasııa tapsyrǵan.
2023 jyldyń 1 qańtarynan bastap - memlekettik mekemeler men kvazımemlekettik sektor qyzmetkerleri men jubaılary, 2024 jyldan bastap - bıznes ókilderi, zańdy tulǵalar, jeke kásipkerler, 2025 jyldan bastap barlyq azamat deklarasııa tapsyrýy tıis.
«Aldyn ala derekter boıynsha jalpyǵa birdeı deklarasııalaý júıesine 13 mıllıon adam kiretin bolady», dedi spıker.