Memleket basshysynyń tapsyrmasy boıynsha jeke qosalqy sharýashylyqtardyń mártebesin anyqtaıtyn «Jeke qosalqy sharýashylyqtar týraly» zań jobasy ázirlenedi, dep jazady Egemen.kz.
Aýa raıy faktorlarynyń aýyl sharýashylyǵy óndirisine teris áserin joıý, sondaı-aq mal sharýashylyǵynyń azyqtyq bazasyn damytý maqsatynda eginshilikte naqty ártaraptandyrý qamtamasyz etiledi.
«Atap aıtqanda:
- qazirgi zamanǵy sıfrlyq tehnologııalardy, ǵaryshtyq monıtorıng pen jerdi qashyqtyqtan zondtaýdy paıdalana otyryp, jer paıdalanýshylardyń jaldaý sharty sheńberinde qabyldanǵan mindettemelerdi oryndaý boıynsha qyzmetin baqylaý tetikteri jáne ártaraptandyrý prosesin memlekettik retteý sharalary ázirlenedi;
- jahandyq klımattyń ózgerýine baılanysty aýa raıynyń teris áseriniń kúsheıýine óndiris táýekelderin barynsha azaıtý qajettiligine sendirý boıynsha AShTО́ arasynda keńinen túsindirý jumystary júrgiziledi;
- jaıylymdardy tıimdi paıdalaný maqsatynda olardy baqylaýdyń jańa ádisteriniń múmkindikteri jáne tıisti memlekettik qoldaý sharalary barynsha paıdalanylady;
- jaıylymdyq alqaptardy túbegeıli jáne ústirtin jaqsartý, olardy sýlandyrýdyń neǵurlym tıimdi modelin qoldaný esebinen aınalymǵa tartý jolymen jaıylymdardyń ónimdiligin arttyrýǵa jańa tásildemeler ázirlenip, engiziletin bolady», dep jazady Úkimet basshysynyń baspasóz qyzmeti.
Memleket basshysynyń tapsyrmasy boıynsha jeke qosalqy sharýashylyqtardyń mártebesin anyqtaıtyn «Jeke qosalqy sharýashylyqtar týraly» zań jobasy ázirlenedi.
Aýyl sharýashylyǵy mınıstrligi zań jobasyn kezeń-kezeńimen ázirlep, Zań shyǵarý jumysynyń qaǵıdalaryna sáıkes 30 jeltoqsanǵa deıin Parlamentke engizýdi kózdep otyr.
Qazirgi ýaqytta Retteý saıasatynyń konsýltatıvtik qujatyn ázirledi jáne Ádilet Mınıstrliginiń oń qorytyndysy berildi.