Otbasy ınstıtýtyn nyǵaıtý qadamdary

Nur-Sultan, Shymkent qalalary men Almaty, Shyǵys Qazaqstan jáne Mańǵystaý oblystarynda iske qosylǵan «Otbasyndaǵy zorlyq-zombylyqsyz Qazaqstan» qanatqaqty jobasy týraly keńinen maǵlumat berilgen otyrysqa Ulttyq komıssııa músheleri, Parlament depýtattary, ortalyq memlekettik jáne jergilikti atqarýshy organdardyń, úki­mettik emes uıymdar men BAQ ókil­deri qatysty. Basqosýdy ashqan Ulttyq komıssııa basshysy Lázzat Ramazanova Memleket basshysynyń «Halyq bir­ligi jáne júıeli reformalar – el órken­deýiniń berik negizi» Joldaýynda alǵa qoıylǵan mindetter memlekettik jáne jergilikti atqarýshy organdardan qazaqstandyq otbasylardyń ál-aýqatyn jaqsartý jáne áıelderdiń quqyqtary men múmkindikterin keńeıtý úshin joǵary jaýapkershilik pen úılesimdi is-qımyldy talap etetinin atap ótti.

«Otbasy ál-aýqatynyń máseleleri, turmystyq zorlyq-zombylyqtyń júıe­li aldyn alý boıynsha qoǵamdyq uıym­darmen tıimdi ózara is-qımyl jasaý, qıyn jaǵdaıǵa tap bolǵan azamattarǵa ýaqtyly kómek kórsetý máseleleri Ult­tyq komıssııa jumysynyń basym baǵyty bolyp qala beredi», dep atap ótti Lázzat Ramazanova. Turmystyq zorlyq-zombylyqtyń jaı-kúıin taldaý elimizdegi árbir ekin­shi qylmystyń mas kúıde jasalatynyn, zańsyz áreketterdiń 70-75 paıy­zy turǵyn úı-jaılarda tirkeletinin kór­setip otyr. Sondaı-aq otbasylyq-tur­mystyq quqyq buzýshylyqtyń 80 pa­ıyzynda zorlyq-zombylyq sýbekti­le­ri – erli-zaıypty nemese azamattyq neke­de turǵan adamdar bolsa, 20 paıyzy óz­ge týystyq qatynastaǵy adamdar.

Qolǵa alynǵan is-sharalarǵa qara­mastan, áli de sheshýdi talap etetin máse­le az emes. Basqosý barysynda aýmaq­tardy damytý josparlarynda otbasy ınstıtýtyn nyǵaıtý jáne tur­mystyq zorlyq-zombylyqtyń aldyn alý má­seleleri boıynsha nysanaly ındı­ka­torlardyń joq ekeni aıtyldy. Bul ret­te jergilikti atqarýshy organdardyń quzy­reti de naqtylanbaǵan. Aldyn alý júıesine ádilet, mádenıet jáne sport, ishki jáne jastar saıasaty organdary tartylmaǵan.

Bul oraıda komıssııa basshysy júıeli monıtorıng júrgizý, áleýmet­tik qolaı­syzdyq pen turmystyq zor­lyq-zombylyq máseleleri boıynsha ve­domstvoaralyq ózara is-qımyldy jáne jedel den qoıý tetikterin nyǵaıtý qajettigin sóz etti.

Otyrysta Eńbek jáne halyqty áleý­mettik qorǵaý mınıstrligi men Stra­tegııalyq josparlaý jáne reforma­lar jónindegi agenttiktiń Ulttyq sta­tıstıka bıýrosynyń óńirlerdegi otba­sy­­lardyń ál-aýqatyna monıtorıng júr­gizý nátıjeleri jáne Qazaqstan Respýb­lıkasyndaǵy 2030 jylǵa deıin­gi otba­sylyq jáne genderlik saıasat tujy­rymdamasynyń ındıkatorla­ryn esepteý ádistemesi týraly aqparaty tyń­daldy.

Mınıstrliktiń aqparaty boıynsha, «Otbasynyń sıfrly kartasyn» engizý josparlanýda. «Elimizdiń 19 mıllıon turǵynyna taldaý júrgizildi, 5 mıl­lıon 341 myń otbasynyń sıfrly kartalary qalyptastyryldy. Búgingi tań­da otbasylardyń 2,7 mıllıon nemese 50,6%-y qolaıly jáne jaqsy deńgeı­ge jatady. Ataýly áleýmettik kómekpen qamtý 2020 jyldyń uqsas kezeńimen salystyrǵanda 186,2 myń otbasyǵa deıin nemese 891,1 myń adamnan astam ósti, ósim 25%-dy qurady», delingen vedomstvo taratqan málimette.

Al Ulttyq statıstıka bıýrosy 2030 jylǵa deıingi otbasylyq jáne genderlik saıasat tujyrymdamasyn iske asyrý sheń­berinde 9 nysanaly ındıkator bo­ıynsha esepteý ádistemesin ázirlegen. ­Ol otbasylyq jáne genderlik saıasatty is­ke asyrý tıimdiliginiń negizgi kórsetkish­te­rin qalyptastyrý tártibin júıelendi­rý­ge, derekterdi jınaý, usyný jáne olardy saqtaý úshin ýákiletti memlekettik organdardyń jaýapkershiligin bekitýge múmkindik beredi.

Otyrys sońynda komıssııa tóraǵasy Lázzat Ramazanova memlekettik organ­darǵa birqatar naqty usynys aıtyp, ortaq jumystardy pysyqtady.